مساء الخير..


أي حاجة بتتكتب هنا أو في أي مكان تاني ملهاش علاقة بذاتي الحقيقة مهما كانت، فليك حرية الإقتباس منها والتحريف فبها أو حتي تأخدها تكتبها عندك في أي سوشيال ميديا-ماعدا الأعمال الحقوقية الخاصة بيا-مافيش حاجة إسمها حقوق ملكية فكرية، أي حد كتب أي حاجة في أي مكان يشوفة الناس كلها من حق أي حد إقتباسة أو أخذة.


تاني حاجة، متعلقوش حياتكوا علي حاجات ملهاش أي نوع من اللّزمة سيبوا الشاشات وأتركوا أثاركم فقط بداخلها يا مجانين-حتي دي كمان مش جملتي-اللي أقصدة إنه مش لازم تتأثروا أوي باللي بتقرأوه أو بتشاهدوه حواليكم في السوشيال ميدياز بأنوعاها، كتير منكم كان كويس قبل ما يعمل فوللوا للشخص الفلاني أو العيلاني ،بعضكم خاض التجربة وأتغيرت عندة أفكار كتير-أنا نفسي من سنتين مكنتش كدة- والبعض الأخر بقي مُجرد مُقلِّد وشايف أنة كدة هيكون شخص فشيخ والنتيجة إنة أصبح مشّوه من غير شخصية مُحددة، ودا مش صح.


النوستالجيا والعدمية والسوداوية وغيرها مش حاجة فشيخة وممتعة ومَرِحة، معظمها بتأدي في الآخر لهلاك صاحبها، اللي أنتوا فية دا مش حاجة من الحاجات دي اللي أنتوا فية دا مجرد ولاحاجة نتيجة عدم فهمكوا للمصطلحات والأفكار دي.


حاجة اخيرة، كونك بتجاهر بإنك بتشرب حشيش أو خمرة أو اي نوع من المخدرات دا مش هيجعلك بأي شكل من الأشكال شخص خارق للطبيعة ،أحا مصر كلها والعالم كلة بيعمل زيك أو أكتر بس مش لازم يعمل فرح ويقول ,دا غير إن في اشخاص مابيعملوش وبيقولوا أنا بعمل وأهري وخرا كتير كدا.


اللي عاوز اوصله إنك متكونش أي حد أو أي شخص تاني غيرك بأي شكل من الأشكال خد الحاجات والتجارب اللي عند الأشخاص وكون منها شخصيتك هتستفاد أكتر من كونك مُقلِّد، متتأثرش فشخ بالمؤثرات اللي حواليك دي كلها مُجرد فوتونات ملونة لطيفة علي شاشة منورة أمام سعادتك ، فمتخليهاش تأثر علي حياتك الطبيعية.