في أغاني إسرائيلية-اللي لحنّها أو أعاد توزيعها عرب إسرائيل-مأخوذة من أغاني محمد عبد الوهاب وحليم وفريد وكارم محمود وهي برضه الأغاني اللي بنقول عليها حلوة وكويسه.

أما بالنسبة للموسيقي الجديدة فمفهاش اي اختلاف يذكر عن باقي الاغاني العالمية، بس مقدرش أنكر إن اليهود كانوا كويسيين في موسيقي الجاز ومنهم كتير نجح ومشهور زي مثلاً:
Artie Shaw-
Zoot Sims-
Stan Getz-
Terry Gibbs-
Al Cohn-
Alfred Lion-
Frank Wolff-
Dave Brubeck-
Lalo Shifrin-
Don Friedman-
Denny Zeitlin-
Lee Konitz- وأسامي تانية كتير تموت من الضحك..

مع ذلك معظم الأغاني التراثية للإسرائليين-اليهود عموماً-زي هاڤا ناجيلا وماشابه هي اللي بتختلف وبتبين إنهم عندهم مزيكا لطيفة ومُبهجة.

بس لو أتكلمت عن المزيكا الشرقي اللي عندنا ف إحنا عندنا مخزون من الأغاني والاصوات المختلفة الجميلة جداً-كان عندنا دلوقتي قليل جداً-بس للأسف إحنا مابنهتمش حالياً إلا بالدستور الأول ولا الإنتخابات ،وسوريا هتنضرب إمتي ،وإن بول الإبل بيشفي من البَرَصْ ولا لأ ،وإن ربنا قال لازم نموت كذا الف عشان نبقي لُطاف ونحافظ علي الشرعية ونخش كلنا الجنة !

#موسيقي #إسرائيل #جاز #جولوا_للعالم_مصر_إسلامية_وهتفضل_إسلامية

كنت مقرر متكلمش في أي حاجة ليها علاقة بالسياسة بس لازم أوضح شيء
وجود مجموعة من الأشخاص مؤمنين بفكرة معينة ومتصورين إنهم معاهم الحق المطلق في فعل أي شئ بأسم الولاحاجة لازم يؤدي للوضع اللي إحنا فيه حالياً.
وبعدين كل المعارك والخلافات السياسية ليها ضحايا ،فلازم نتصالح مع دة ومع حقيقة إن الحياة قاسية، كون إنك بتطالب بخلاف سياسي نضيف فده مش ممكن ،وبعدين يا راجل عدد المسلمين اللي قتلوا بعض في الخلافات الإسلامية في العصر الأموي وخلافة-مش متذكر الحُقبة بالضبط-أكثر من اللي ماتوا من يوم 25 يناير عادي يعني

وفي الآخر أحب أقول “اللهم ولّي اللي أنت عاوزة” 

الخير مش ينتصر

الخير والشر مش ثنائية اصلا

الظالم طول عمره بيفشخ في الباقي وبيعدين يمسك كتاب التاريخ يقعد يشخبط فيه هو وعياله الصغيرين

حتي الان في عمر الكوكب مجاش يوم معلوم تترد في المظالم ولا حاجة

القاتل مش بيقتل بعد حين ولا حاجة
الامراض والزلازل والبراكين مش بتيجي للوحشين بس ولا حاجة
التقدم والجمال مش بيجي للناس الكويسين ولا حاجة
الموت مش بياخد افضل ما فيكو ولا اسوء ما فيكو
ولا الموت بيختار اصلا ولا اسوء وافضل دي فيها معايير اصلا .
انت و ثقافتك كلها احقر واتفه واسفل من ان اي حد يتامر عليكو
امريكا مش بتؤيد الحريات ولا بتؤيد القمع .امريكا بتؤيد مصلحتها
اسرائيل مش سبب تخلف المتخلفين .هم متخلفين من قبلها ب 400 سنة
محدش فشخ النسبية والله و بول الابل مش بيعالج ولا حاجة
ايوة الفقه الاسلامي التقليدي (السلفي) بيتعارض مع العلم
الفقهاء الاربعة بشر والصحابة بشر
العادات والتقاليد دي غالبا اتحطت من كبير اللمة وهو ييضرب حشيش زمان عشان يبيض عالاجيال القادمة

......
هذه الواقع مشوه .عشوائي .غير عاقل . وغير موضوعي .
واي محاولة لاضفاء اي عقل او خيال مثالي عليه هي محاولة فاشلة
هتنتهي بالانتحار او الجنون او ركن العقل علي جنب
هذه الواقع رغم كده حقيقي جدا جدا
عليك ان تتقبله اولا